Islomdagi singlim
“Lekin men niqob kiygan ayollarni bundan ham yomon ishlar qilganini ko‘rganman.” Mana, yana o‘sha gap, yana o‘sha eski bahona. Yuzini ochgan opa-singillar ko‘pincha yopinib yurganlarga barmoq tuqab, ularni har bir munozaraning markaziga qo‘yishadi. Qiziq, niqob haqida gap faqat kimdir javobgarlikdan qochmoqchi bo‘lganida chiqadi. Bizning xatolarimizga ishora qilingan zahoti, boshqalarning xatolarini keltira boshlaymiz, lekin bunday qilish to‘g‘ri emas. U seni himoya qilolmaydi. Qilgan amallarimizni birovning aybiga solishtirgan paytimizning o‘zida, mavzuning mazmunini yo‘qotib qo‘yamiz. Chunki Qiyomat kuni Alloh senga uning amal daftarini ko‘rsatmaydi. Senga o‘z amal daftaringni ko‘rsatadi. Niqob kiyish bu – itoatkorlik belgisidir. U yopinadi, chunki Robbi shuni buyurgan va bu uning Alloh, izzat va sharaf sohibi bilan bo‘lgan shaxsiy ishi. Niqob barkamollik nishoni emas va seni hisobga tortayotganlarida bahona qilib keltiradigan dalil ham emas. Birovning xatolari kattaroq tuyulsa, sening xatolaring kichrayib qolmaydi. Va o‘zingni chetga olish, qanchalik tez qilsang ham, baribir o‘zini himoya qilgandek chalg‘itishdir. Oyna senga bir sabab bilan ko‘rsatilgan. Boshqa tomonga qarash ko‘rganingni o‘chirib tashlamaydi. Savol hech qachon u haqida bo‘lmagan. Har doim sen haqingda bo‘lgan. U Kunda sen uning yonida turmaysan. Sen tanho o‘zing, o‘z amallaring bilan, qilgan tanlovlaring uchun javob berasan. Shuning uchun, ehtimol, diqqatimizni shunga qaratishimiz kerak. U niqobini Alloh, eng Oliy zot uchun kiydi. Sen U uchun nima qilyapsan?