مسلمان کھڈاریاں دا احترام، فیفا نے 2026 ورلڈ کپ دی خاص ٹرافی توں شراب والے لوگو ہٹا دتے
فیفا نے 2026 ورلڈ کپ وچ پلیئر آف د میچ (POTM) دے اعزاز وچ اک اہم تبدیلی کیتی اے، جیہدے تحت شراب بنان والے سپانسر دے لوگو توں بغیر ٹرافی تے پچھوکڑ فراہم کیتا جا رہیا اے۔ ایہہ پالیسی کھڈاریاں دے عقیدے دا احترام کرن لئی اے، خاص کر مسلمان کھڈاری جیہڑے شراب بارے مذہبی اصول رکھدے نیں۔
مسلمان کھڈاریاں توں علاوہ، ایہہ قاعدہ 21 سال توں گھٹ عمر دے کھڈاریاں تے اوہناں کھڈاریاں لئی وی اے جیہڑے کسے خاص سپانسر نال جُڑنا نئیں چاہندے، جویں کلین ایمباپے نے پہلے شراب دیاں پراڈکٹاں دی تشہیر توں پرہیز کیتا سی۔ جوہان مانزامبی تے مائیکل اولیزے جیہے کھڈاریاں نے وی شراب دے لوگو توں بغیر فارمیٹ حاصل کیتا اے۔
محمد صلاح اس ویلے چرچے وچ آئے جدوں اوہناں نوں بیئر دے لوگو توں بغیر صاف پچھوکڑ نال اعزاز ملیا۔ رامین رضائیان، امام عاشور، علی علوان، تے اسماعیل صابری جیہے ہور کھڈاریاں نوں وی ایسے طرحاں دا سلوک ملیا۔ سپانسر دیاں پابندیاں توں بغیر کھڈاری ہجے وی عام فارمیٹ ورتدے نیں۔
ایہہ قدم اس گل دی علامت سمجھیا جا رہیا اے کہ کھیڈاں دی دنیا عالمی فٹ بال دے وپار دے باوجود رہتل، مذہب، تے کھڈاریاں دے نجی اصولاں دی قدر کر سکدی اے۔
https://mozaik.inilah.com/news