پڑھ کے دل دُکھدا اے

مالیاں نے فوج اتے روسی لڑاکیاں دے ظلم تے قتل دسیا

فسالے: شریفہ دی اوڑھنی ہنجواں نال بھج گئی جد اوہ دس رہی سی کہ جہادیاں خلاف لڑائی چ مدد کرن آلے مالیائی فوجیاں تے روسی نیم فوجیاں دی اک یونٹ نے اودے پتر دا سر وڈھ دتا۔ سٹھ سالاں دی عمر دی شریفہ، دس قریب مالیائی پناہ گزیناں چوں اک سی جیڑے گوانڈھی ماریطانیہ توں اے ایف پی نوں شہریاں تے ڈھائے جا رہے وحشیانہ تشدد بارے دسیا۔ ساریاں پناہ گزیناں دے ناں حفاظت لئی بدل دتے گئے نیں۔ "اودی موت میرا سب توں وڈا درد اے،" کچے اٹاں دی پناہ گاہ اندروں شریفہ دی کپکپاندی آواز چ آکھیا۔