ابو ہریرہ رضی اللہ عنہ کولوں تقویٰ بارے سوال
اک بندہ ابو ہریرہ رضی اللہ عنہ کول آیا تے پچھیا: تقویٰ کیہ ہوندا اے؟ ابو ہریرہ نے جواب دتّا: کی تُوں کدے کسے کَنڈیاں بھرے راہ تے ٹریا ایں؟ بندے نے کہیا: ہاں، ٹریا واں۔ ابو ہریرہ نے پچھیا: تے کیویں ٹریا سیں؟ بندہ بولیا: میں کنڈے ویکھ کے اوہناں توں پرے ہٹ گیا، یا اوہناں توں لنگھ گیا، یا بچ کے نکلیا۔ تے ابو ہریرہ رضی اللہ عنہ نے فرمایا: بس ایہو ای تقویٰ اے۔