ഇപ്പോഴത്തെ നിമിഷത്തിൽ ജീവിക്കുക, അല്ലാഹുവിൽ ഭരമേൽപ്പിക്കുക!

ശൈഖ് ഇബ്നു ഉഥൈമീൻ (അല്ലാഹു അദ്ദേഹത്തിന് കരുണ ചെയ്യട്ടെ) വളരെ മനോഹരമായി പറഞ്ഞു: നമ്മളെല്ലാം മൂന്നു നിമിഷങ്ങൾക്കിടയിൽ അലയുന്നു-കഴിഞ്ഞത്, ഇപ്പോഴത്തേത്, ഇനി വരാനുള്ളത്. കഴിഞ്ഞ കാലമോ? അത് വിട്ടുകളയൂ. ആ വേവലാതികൾ, വേദനകൾ-അതൊക്കെ നിനക്കു പിന്നിലാണ്. പ്രയാസം വന്നാൽ, "അല്ലാഹുവേ, ഈ പരീക്ഷണത്തിന് എനിക്ക് പ്രതിഫലം നൽകുകയും ഇതിനേക്കാൾ നല്ലത് എനിക്ക് നൽകുകയും ചെയ്യേണമേ," എന്നു പറഞ്ഞിട്ട് മുന്നോട്ടു പോകുക. ഭാവി കാലത്തെ പറ്റിയോ? അത് അല്ലാഹുവിനു മാത്രമേ അറിയൂ. അവനിൽ ഭരമേൽപ്പിക്കുക, പിന്നെ കാര്യങ്ങൾ സംഭവിക്കുമ്പോൾ പരിഹാരങ്ങൾ തേടുക. ശരീഅത് നമ്മളോട് ഒരുങ്ങിയിരിക്കാൻ പറയുന്ന കാര്യങ്ങൾക്കായി തയ്യാറായിരിക്കുകയും ചെയ്യുക. പക്ഷേ ഇപ്പോൾ-ഇതാണ് നിന്റെ നിമിഷം. ഉത്കണ്ഠയും ദുഃഖവും വരുത്തുന്ന കാര്യങ്ങൾ ഒഴിവാക്കുക. ഹൃദയം ലഘുവായി വയ്ക്കുക, അല്ലാഹുവിലേക്ക് ആരാധനയിൽ തിരിയുക, നിന്റെ ലൗകികവും ധാർമികവുമായ കടമകൾ നിറവേറ്റുക. ഇങ്ങനെ ചെയ്താൽ നിനക്ക് ആശ്വാസം കണ്ടത്തും. കഴിഞ്ഞതിലെ പശ്ചാത്താപങ്ങളിൽ മുങ്ങിപ്പോവുകയോ ശരീഅത് ഒരു കാരണവും കൂടാതെ നാളത്തെ പറ്റി ടെൻഷനടിക്കുകയോ ചെയ്താൽ, നീ നിന്നെ തന്നെ ക്ഷീണിപ്പിക്കുകയും ഒരുപാട് നന്മ നഷ്ടപ്പെടുത്തുകയും ചെയ്യും. അതിനാൽ, ഇതാ പ്രധാന കാര്യം: ഹൃദയങ്ങൾ ഇന്നത്തെ ജോലികൾ കൊണ്ട് ഭാരമുള്ളതാകുന്നില്ല-ഇന്നലത്തെ തെറ്റുകളുടെയും നാളത്തെ ഭയങ്ങളുടെയും ഭാരം കൊണ്ടാണത്. യഥാർത്ഥ സമാധാനം വരുന്നത് കഴിഞ്ഞത് പിന്നിലാക്കി, ഭാവി അല്ലാഹുവിനു വിട്ടുകൊടുത്ത്, ഇപ്പോൾ നമുക്കു ചെയ്യാൻ കഴിയുന്നതിൽ ശ്രദ്ധ കേന്ദ്രീകരിക്കുമ്പോഴാണ്-ആരാധന, നല്ല പ്രവൃത്തികൾ, നമ്മുടെ ഉത്തരവാദിത്വങ്ങൾ. അങ്ങനെ ജീവിച്ചാൽ, ഇൻശാ അല്ലാഹ്, നിന്റെ ഹൃദയം ശാന്തി കണ്ടെത്തും. പക്ഷേ കഴിഞ്ഞതിൽ കുടുങ്ങിക്കിടക്കുകയോ വരാൻ പോകുന്നതിനെ ഓർത്ത് ടെൻഷനടിക്കുകയോ ചെയ്താൽ, നീ സ്വയം ക്ഷീണിപ്പിക്കുകയും ഇന്നത്തെ അനുഗ്രഹങ്ങൾ നഷ്ടപ്പെടുത്തുകയും ചെയ്യും.