Aktivis Senior Nyengkuyung Polresta Banyuwangi Ngusut Tuntas Tambang Galian C Kalipuro nganti TPPU
Polresta Banyuwangi entuk apresiasi merga langkah tegas ngusut dugaan pelanggaran tambang Galian C nang perbatasan Kelurahan Klatak karo Bulusan, Kecamatan Kalipuro. Ketua LSM Rejowangi, Eko Sukartono, ngeki penilaian nek penyelidikan iki dadi babak anyar penegakan hukum lingkungan nang Banyuwangi.
Eko ngomong, tambang kuwi sakdurunge kaya-kaya kebal hukum senajan wis bola-bali dilaporke. Kerusakan lingkungan diduga gedhe banget, lahan kerukan amba lan jerone puluhan meter. "Sejak biyen kaping pirang-pirang ono laporan ning ora tau ono kepastian hukum," ujare.
Dheweke nyurung penyidik ora mung nerapke pasal pelanggaran Minerba utawa perusakan lingkungan, ning uga ngusut aliran dana nganti Tindak Pidana Pencucian Uang (TPPU). "Ungkap nganti oyod-oyode. Teruske nang arah TPPU, ben dadi pelajaran kanggo kabeh pihak," deseke.
Eko ngarep-arep, nek kasus iki tuntas nganti pemulihan lingkungan lan TPPU, iso dadi proyek percontohan penegakan hukum nang Jawa Timur bahkan nasional.
https://www.urbanjabar.com/new