Antisipasi Penyakit Nular, Dinas Ketahanan Pangan Kabupaten Pasuruan Priksa Hewan Kurban nang Lapak Dodolan
Dinas Ketahanan Pangan, Pertanian lan Perikanan (DKP3) Kabupaten Pasuruan sakdurunge Idul Adha 1447 Hijriah nindakake pemeriksaan ante mortem nang pirang-pirang lapak dodolan hewan kurban, klebu nang Kecamatan Pohjentrek. Pemeriksaan sing dilakoni dokter hewan karo petugas peternakan iki ngamati kondisi fisik njaba hewan, kaya mata, irung, cangkem, wulu, kulit, suhu awak, lan kemampuan mlaku normal.
Kabid Peternakan lan Kesehatan Hewan DKP3, Muhammad Syaifi, kandha nek langkah iki kanggo mesthekake hewan bebas penyakit nular kaya penyakit mulut lan kuku, uga layak kurban ben ngasilake daging Aman, Sehat, Wutuh, lan Halal (ASUH). Pihake mbentuk Tim Pengawas Hewan Qurban sing anggotane 100 wong disebar nang 24 kecamatan kanggo pemeriksaan ante mortem lan post mortem nganti H+3 Idul Adha.
Saka rong lapak sing dipriksa, kabeh ternak, klebu 10 sapi lan 28 wedhus, ketoke sehat lan diwenehi surat keterangan kesehatan hewan. Sing duwe lapak, Irfan, seneng karo pemeriksaan iki kanggo njamin kesehatan hewan kurban sing didol lan nggawe ayem atine sing tuku.
https://kabarbaik.co/antisipas