An Samu Ilhama Daga Kogon Hira, Ga Yadda Ginin Masallacin Karkashin Kasa Sancaklar Yake
Masallacin Sancaklar a Büyükçekmece, Istanbul, Turki, yana ba da wata sabuwar hanyar gini ta musamman inda aka gina shi mita bakwai karkashin kasa. An kammala shi a shekarar 2012, aikin gini na Emre Arolat ya samu ilhama daga Kogon Hira, inda Manzon Allah Muhammad (SAW) ya kar6i wahayi na farko, tare da zanen da ya maida hankali kan asalin ibada maimakon fito da kyan gani.
Dakin sallah mai fadin murabba'in mita 1,200 yana kawo yanayin kogo mai natsuwa ta bangon siminti mara kwalliya da hasken rana daga ragon da ke bangon alƙibla. Alamar harafin larabci 'wau' (و) ta zama wani ɓangaren fasaha na ruhi, yayin da fitulun da aka ɓoye ke haifar da yanayi na tsarkakewa da dare.
Wannan masallaci ya amsa bukatar mazauna Karaagac wadanda a da ba su da wadataccen wurin ibada, yana iya ɗaukar masu sallah 650 tare da dakunan sallah daban, wurin alwala na zamani, da dakin taro. A shekarar 2013, zanensa ya samu lambar yabo ta Ginin Shekara a Bikin Gine-gine na Duniya a rukunin gine-ginen addini.
Ta hanyar saukin kai, Masallacin Sancaklar yana tabbatar da cewa asalin masallaci ba ya cikin kayan alatu na zahiri ba, sai dai ikonsa na kusantar da masu sallah zuwa ga Allah (SWT) ta hanyar rage abubuwan da ke dauke hankali da ba fifiko ga tunani mai zurfi.
https://mozaik.inilah.com/news