Inavunja moyo kusoma

Wamali waeleza mateso na mauaji yaliyofanywa na jeshi, wapiganaji wa Kirusi

FASSALE: Machozi yalilowesha shela la Cherifa aliposimulia jinsi mwanae alivyokatwa kichwa na kikosi cha askari wa Mali na wanamgambo wa Kirusi wanaosaidia mapambano dhidi ya wanajihadi. Cherifa, mwenye umri wa miaka 60 hivi, alikuwa mmoja wa wakimbizi takriban 10 wa Mali ambao walizungumza na AFP kutoka Mauritania jirani kuhusu vurugu za kikatili dhidi ya raia. Majina ya wakimbizi wote yamebadilishwa kwa ajili ya usalama wao. "Kifo chake ni maumivu yangu makubwa kabisa," alisema Cherifa, sauti yake ikitetemeka, kutoka ndani ya kijumba cha matofali ghafi.