Saudi Luruskeun Prakték Ziarah di Jabal Rahmah, Ngadidik Jemaah ngeunaan Tuntunan Islam
Pamaréntah Arab Saudi nguatkeun program atikan kaagamaan di wewengkon bersejarah Jabal Rahmah, Arafah, pikeun ngajaga kasakralan lokasi jeung ngalempengkeun prakték ziarah nu teu luyu jeung syariat. Léngkah ieu ngaréspon paripolah pziarah nu masih ngalakukeun prakték khurafat jeung vandalisme.
Kamentrian Urusan Islam, Dakwah, jeung Bimbingan nyadiakeun layanan panyuluhan langsung salila usum umrah 1448 Hijriah ku stan atikan di Jabal Rahmah jeung Masjid Namirah. Para dai jeung panarjamah multibasa méré pangwarahan ngeunaan tata cara ziarah, hukum ibadah, jeung watesan luyu jeung ajaran Islam.
Atikan ieu udaganana ngalelempengkeun pamahaman nu salah kana tempat-tempat bersejarah sarta dipirig ku nyadiakeun buku katut brosur multibasa. Program ieu sajalan jeung Visi Saudi 2030 nu museur kana ningkatkeun kualitas layanan haji jeung umrah, sarta nguatkeun ajén moderasi jeung pangalaman spiritual jemaah.
https://mozaik.inilah.com/haji