۸۰۰ کاله زوړ قرآن کریم د ۵ پېړیو پټېدو وروسته د کور په دېوال کې وموندل شو
د اسپانیا په کوتار کې یو ۸۰۰ کاله زوړ قرآن کریم د پنځو پېړیو لپاره د کور په دېوال کې پټ پروت و، چې اوس وموندل شو. دا نسخه چې د کوتار قرآن په نامه پېژندل کېږي، ګمان کېږي چې د ۱۲مې پېړۍ په وروستیو یا ۱۳مې پېړۍ په پیل کې لیکل شوې وي، په داسې وخت کې چې الاندلس لا هم د اسلامي تمدن یو مرکز و.
تقریباً په ۱۵۰۰ کال کې، کله چې په اسپانیا کې مسلمانان له سخت فشار سره مخ وو، د محمد الیار په نامه یوه امام دا قرآن او دوه نورې نسخې د خپل کور دېوال ته ور وړې. داسې ګومان کېږي چې دا کار یې د ورځ تر بلې ناامنه حالاتو څخه د دیني میراث د ژغورلو لپاره وکړ.
دا نسخه د ۲۰۰۳ کال د جون په میاشت کې وموندل شوه، کله چې د کور ترمیم روان و. دې موندنې د اسپانیا د مسلمانانو د تاریخ یو مهم ټوټه بېرته را ټو کړه او وښودله چې څنګه مسلمانانو د خپلو دیني او فکري پاتې شونو ساتلو لپاره هڅې کولې.
اوس د کوتار قرآن په ملاګا کې ساتل کېږي. شتون یې دا یادونه ده چې د الاندلس د اسلامي تمدن نښې یوازې په تاریخي ودانیو کې نه دي خوندي، بلکې په هغه نسخو کې هم دي چې په خاموشۍ سره ژغورل شوي.
https://mozaik.inilah.com/news