دکھن کوریا چ 37 ڈگری سیلسیس تیک گرمی دی لہر
دکھن کوریا دے زیادہ تر علاقے گرمی دی لہر دی لپیٹ چ نیں، دن دا پارہ 37 ڈگری سیلسیس تیک پہنچ گیا اے۔ کوریا موسمیات انتظامیہ (KMA) نے مشرقی ساحل تے گینگون دے پہاڑی علاقیاں چ 100 mm تیک مینہہ، تے سیول تے وسطی علاقیاں چ 40 mm تیک مینہہ دی پیش گوئی کیتی اے۔
مینہہ دوران عارضی طور تے درجہ حرارت ڈگدا اے، پر بعد چ فیر ودھ جاندا اے۔ حکام نے گرمی دی وجہ توں صحت دے مسائل توں بچن لئی ڈرائیونگ دے کجھ امتحان گھٹا دتے جاں ملتوی کر دتے نیں۔
سرکاری اعداد و شمار دسدے نیں کہ 2021-2025 دے عرصے چ سالانہ اوسطا 638 گرمی نال صحت دے مسائل دیاں شکایتاں ساہمنے آئیاں، جیہڑی 2011-2015 دے 215 ماملیاں توں تقریبن ترے گنا ودھ اے۔ 2024 چ 1,299 لوک متاثر ہوئے تے 12 مر گئے۔
موسم دی پیش گوئی دے مطابق گرمی دی لہر اگست دے آخر تیک جاری رہو گی، سارے ملک چ دن دا پارہ 31-35 ڈگری سیلسیس دے درمیان رہو گا۔
https://kabarbaik.co/korea-sel