سرکیڈئن تال بارے سکھن نے مینوں، اک نہ مشق کرن والے بھرا، فجر کدی نہ چھڈن ول واپس لجایا

کج مہینے پہلے، میں سرکیڈئن تال وچ ڈونگھائی نال کھوج کر ریا ساں تے اک حیران کن چیز تے ٹکرایا۔ حالانکہ میں مشق نئیں کردا سی، میں ویکھیا کہ اسلامی نمازاں دن دے اہم نکات نال بالکل جڑیاں ہوئیاں نیں-جیویں قدرتی 'ویلہ دین والے' (زیٹ گیبرز)۔ پنج نمازاں، ساڈی اندرونی گھڑی آسطے پنج اینکر۔ فجر سورج چڑھن توں اک توں ڈیڑھ گھنٹہ پہلے شروع ہوندی اے۔ ایہہ پر سکون، سہانا ویلہ اے، جادوئی جیا، روز دی بھیڑ بھڑکے توں دور۔ پچھلے کج مہینیاں ایدا تجربہ کرن نے مینوں فیر لکھن ول لے آیا۔ تے فیر سورج چڑھن نال فجر ختم ہوندی اے، تے اک چوڑا قوس شروع ہوندا اے ظہر تک، جیہڑی دوپہر نوں، فلکیاتی دوپہر نوں ہوندی اے-جدوں سورج اپنی سب توں اچی جگاہ تے ہوندا اے تے مغرب ول ڈلن لگدا اے۔ عصر ایدے مگروں آندی اے، سورج دے ڈلن نال لمبے سائے اوس نرم سنہری روشنی وچ بنن لگدے نیں، جدوں تک سائے مدھم ہوندے نیں پر اسمان چمکدا رہندا اے۔ ایہہ مغرب ول لجاندی اے، اک نکا جیہاں وقفہ صرف گھنٹے توں تھوڑا زیادہ، بالکل فجر وانگوں۔ ایہہ اوہ ویلہ اے جدوں جسم سون لئی میلاٹونن چھڈن لگدا اے۔ آخر وچ، عشاء پوری رات نوں نشان زد کردی اے، زندگی دے شور شرابے توں جڑن دا اک آخری موقع تے بستر ول جانا۔ ایس دریافت نے مینوں اِنے روشنی دے پلاں لئی اک سادہ یادداشت تے نوٹ پیڈ ٹول بنان ول دھکیا۔ اودوں توں، میں کدی وی فجر نئیں چھڈی-تے میں پہلے بالکل رات جگن آلا بندہ ساں۔ ہن میں واقعی اپنی تال قدرتی روشنی نال میل کھاندی محسوس کردا واں۔ الحمدللہ ایس گل تے۔