800 ورھے پراݨا قرآن، 5 صدیوں کول کندھ چ لُکیا رہݨ مگروں لبھیا گیا

سپین دے شہر کُوتار چ اک تقریباً 800 ورھے پراݨا قرآن لبھیا گیا، جیہڑا پنج صدیوں توں اک گھر دی کندھ چ لُکیا ہویا سی۔ ایہہ نسخہ، جیہنوں 'قرآنِ کُوتار' آکھیا جاندا اے، 12ویں صدی دے آخر یا 13ویں صدی دے مڈھ دا منیا جاندا اے، جدوں اندلس اسلامی تہذیب دا گڑھ ہوندا سی۔ 1500 دے نیڑے تیڑے، جدوں سپین چ مسلماناں تے بھاری دباؤ سی، محمد الییار ناں دے اک امام نے ایہہ قرآن تے دو ہور نسخے اپنے گھر دی کندھ چ لُکا دِتے۔ اندازا اے جے ایہہ قدم وگڑدے حالات چوں مذہبی ورثے نوں بچاؤݨ دی اک کوشش سی۔ ایہہ نسخہ 2003 دی جون چ اُدوں لبھیا جدوں گھر دی مرمت ہو رہی سی۔ ایس لبھت نے سپین دی مسلم تریخ دا اک اہم ٹوٹا دوبارہ ساہمنے لیاندا، تے وکھایا جے مسلمان آپݨے مذہبی تے علمی پچھوکڑ نوں کویں بچاندے رہے۔ ہݨ قرآنِ کُوتار نوں ملاگا چ محفوظ رکھیا گیا اے۔ ایہدی موجودگی اک یاد دہانی اے جے اندلس دی اسلامی تہذیب دے نشان صرف تریخی عمارتاں چ ای نہیں، بلکہ چُپ چپیتے بچائے گئے نسخیاں چ وی موجود نیں۔ https://mozaik.inilah.com/news/sembunyikan-alquran-saat-andalusia-runtuh-manuskrip-800-tahun-ini-baru-ditemukan-5-abad-kemudian