Heşt rahîb li Taylandê di bin tirimbêlê de mirin, ajokar zarokekî 11 salî bû
Heşt rahîb roja pêncşemê (2/7) saet 11ê sibê li parêzgeha Mukdahan, bakurê rojhilata Taylandê, dema ku ji aliyê kamyonetekê ve hatibûn lêdan, jiyana xwe ji dest dan. Tirimbêl ji aliyê kurekî 11 salî ve dihat ajotin, wî bê destûr wesayîta bavê xwe biribû.
Komeke ji 34 rahîban di çarçoveya ziyaretekê de ji Mukdahan ber bi Ubon Ratchathani ve li kêleka rê dimeşiyan dema bûyer qewimî. Pênc rahîb cih de mirin, sêyên din di rê de ber bi nexweşxanê ve can dan. Heft rahîb giran birîndar bûn û 20ên din jî sivik birîndar bûn.
Karbidestên polîs ên li cih bûn rasterast bi nexweşxane û tîma rizgarkirinê re koordîne kirin ji bo ku alîkariya qurbaniyan bikin. Lêkolîna li ser vê qezayê hê jî berdewam e.
https://kabarbaik.co/tragis-8-