Wadi Dzikir Entheng sing Ngguncang Timbangan Amal

Ing tengah-tengah kesibukan jaman modern, Islam mulangake amal sederhana sing gedhe regane ing ngarsane Allah. Salah sijine yoiku dzikir entheng sing diwulangake Rasulullah Shallallahu 'alaihi wasallam. Saka Abu Hurairah Radhiyallahu 'anhu, Rasulullah ngendiko: "Rong kalimat sing entheng diucapake nanging abot timbangane, lan disenengi dening Allah Kang Maha Asih yoiku, Subhanallah wa Bihamdihi Subhaanallaahil Azhim." (HR. Muslim No. 4860). Kalimat "Subhanallah wa Bihamdihi" isine nyucekake Allah saka kekurangan lan netepake yen pujian mung duweke Panjenengane, dene "Subhaanallaahil Azhim" negesake kebesaran Allah. Amal iki iso dilakoni kapan wae tanpa watesan wektu utowo panggonan, dadi investasi akhirat sing gampang digayuh kabeh Muslim. Hadis iki mulang yen standar Allah bedo karo ukuran donyo. Amal cilik iso dadi gedhe yen ditompo Allah. Dzikir iki dadi sarana njaga ati tetep nyambung karo Panjenengane ing tengah godaning donyo. https://mozaik.inilah.com/ibadah/mengungkap-rahasia-dzikir-ringan-yang-mengguncang-timbangan-amal