Bayanan Da Ba Kasafai Aka Sanu Ba Game Da Kiswar Ka'aba

Kiswar, baƙar zane mai zanen zinare da ke rufe Ka'aba, ba kawai abin rufe gini mai tsarki ba ne, a'a babbar fasaha ce da tarihin Musulunci. An yi ta daga kimanin kilogiram 670 na siliki na halitta, an kuma ƙawata ta da kilogiram 120 na zaren zinare mai tsarki 24 da kuma zaren azurfa, yin ta ya haɗa da ƙwararrun ma'aikata fiye da 240 a Cibiyar Sarki Abdulaziz, Makka, inda kuɗin yin ta ya kai sama da riyal 25 miliyan na Saudiyya wato kusan Naira biliyan ɗari. Tarihi ya nuna cewa, baƙar ba ita ce kalar Kiswar koyaushe ba; an taɓa yi farare, kore, rawaya, har da ja kafin baƙar ta zama alama tun daga Daular Abbasiyya. Ɗaya daga cikin ɓangarorin da suka fi muhimmanci ita ce bel ɗin zane-zane (hizam) mai tsawon mita 47 da faɗin santimita 95, da kuma labulen ƙofar Ka'aba (sitarah) wanda ke da kayan ado mafi tsada. Ana sauya Kiswar kowace shekara gabanin Ranar Arafa ta hanyar biki na musamman. Ba a jefar da tsohuwar Kiswar ba, a maimakon haka ana adana ta; ana ajiye sassan da ke da daraja ko kuma raba su ga gidajen tarihi da cibiyoyin hukuma a ƙasashe daban-daban, wanda hakan ya mai da ta alamar haɗin kai da gadon ruhi na al'ummar Musulmi. https://mozaik.inilah.com/ibrah/inilah-deretan-fakta-langka-kiswah-kabah-belum-banyak-diketahui-umat