Zulhijja oyining dastlabki o‘n kuni oddiy kunlar emas. Bu kunlarni Allohning O‘zi tanlagan. His qilmasangiz ham namoz o‘qing. O‘zingizni noloyiq hisoblasangiz ham duo qiling. Xuddi o‘sha gunohlarga qaytsangiz ham tavba qiling. Ovozingiz qaltirasa ham Allohga yig‘lang. Undan hamma narsani, hatto imkonsiz narsalarni ham so‘rang.

Assalomu alaykum, aziz birodarlar. O‘zimga ham, sizlarga ham eslatmoqchiman - bu Zulhijja oyining dastlabki o‘n kuni boshqa kunlarga o‘xshamaydi. Allohning O‘zi ularni tanlab oldi, muborak qildi va yilning boshqa vaqtlaridan ustun ko‘rdi. Ko‘p odamlar shu o‘n kunga, o‘chib ketmaydi deb o‘ylagan gunohlari ostida kirib, butkul o‘zgarib chiqishgan. Ba’zilari parchalanib kirib, butun bo‘lib chiqishgan. Ba’zilari yer yuzida noma’lum bo‘lib kirib, farishtalar orasida nomlari mashhur bo‘lib chiqishgan. Iltimos, bu kunlarni oddiy bir hafta kabi o‘tkazib yubormang. Ich-ichingizdan bo‘m-bo‘sh his qilsangiz ham, namoz o‘qing. Noloyiqman deb o‘ylasangiz ham, duo qiling. O‘sha gunohlaringizga qayta-qayta yiqilsangiz ham, tavba qiling. Ovozingiz qaltirasa ham, Allohning oldida yig‘lang. Undan hammasini - g‘ayritabiiy, yashirin, alamli, qalbingiz tubiga ko‘mgan narsalarning barchasini so‘rang. Bu kunlar taqdirlar ostin-ustun bo‘ladigan kunlardir. Allohning o‘n kun ichida nimani o‘zgartira olishiga hech shubha qilmang. Birgina chin yurakdan qilingan duo butun hayot yo‘lingizni abadiy o‘zgartirishi mumkin. Allohdan qo‘rqib, sevib to‘kilgan bir tomchi yosh gunoh tog‘larini yuvib ketishi mumkin. Unga qaytgan bir lahza Allohning, yopilgan deb o‘ylagan eshiklaringizni ochadigan kaliti bo‘lishi mumkin. Bir ijlosli sajda butun qissangizni qayta yozishi mumkin. Kecha qorong‘usida pichirlab aytilgan bir duo, voz kechgan eshiklaringizni lang ochib yuborishi mumkin. Keling, bu muborak kunlarni mahkam ushlaylik: – Qo‘shimcha rakatlar o‘qing – Qur’on tilovat qiling – Imkon bo‘lsa, ro‘za tuting – Sadaqa bering – Tilingizni zikr bilan ho‘l tuting – Allohdan Jannatni so‘rab yolvoring – Shifo so‘rang – Muhabbat so‘rang – Hidoyat so‘rang – Qalbingiz chin dildan istayotgan hayotni so‘rang Duoingiz Alloh uchun arzimaydi deb hech o‘ylamang. Bu dunyo abadiy emas. Ammo bu o‘n kunmi? Ular ko‘p odamlar yana bir marta bo‘lsa ham topishni orzu qiladigan imkoniyat. Ularni bekorga ketkazmang. Alloh bizni Zulhijja oyining o‘n kunini chin qalblar bilan o‘tkazishni, ko‘targan har bir duomizni qabul qilishni, yashirgan har bir gunohimizni kechirishni, ko‘tarib yurgan barcha yaralarimizni shifo berishni va ismlarimizni Jannat Al-Firdavs ahli qatoriga yozishni nasib etsin. Omin.