O‘zimni tanimay qoldim

Assalomu alaykum. Anchadan beri juda og‘ir qayg‘u va doimiy xavotir bilan yashayapman. Balki internetda ko‘rgan narsalarim vaziyatni yomonlashtirayotgandir. Serial va filmlarga berilib qoldim, ulardan qiyin tuyg‘ulardan qochish uchun foydalanardim, oxiri bitta dramaga bir yilcha mukkasidan ketdim. Ota-onaning tanqidi zo‘ravonlik ekaniga ishontiradigan ko‘plab post va videolarni ko‘rdim. Miya yuvuvchi kontent bilan to‘ldim-u, faqat o‘zim haqoratlanganimni ko‘ra boshladim, ota-onamning meni qanchalik sevishi va qo‘llab-quvvatlashini butunlay unutdim. Ular mukammal emas, lekin ba’zida hurmatsizlik qilib, hamma narsani ichimga yig‘ib, bolalarcha ish qilib ko‘p vaqtimni behuda o‘tkazdim. Atrofimdagi odamlar bilan bog‘lana olmayapman, sababini tushunmayapman. Juda kamgapman, hamma buni mening fe’lim deb o‘ylardi, aslida esa ichimdagilarni hech kimga aytmasdim. Hissiyotlarim uchun javobgarlikni o‘z zimmamga olishim va hamma narsada tashqi narsalarni ayblashni bas qilishim kerak. Oxirgi paytlarda onam bilan oramizda masofa paydo bo‘ldi. Uni tuzatishni juda xohlayman, lekin nima deyishni bilmayman. Har doim u bilan yaqin edim, lekin bu nosog‘lom bog‘liqlik edi – uni doim rozi qilish va janjaldan qochishda o‘zligimni yo‘qotdim. Tinchlikni saqlash va rad etilishdan qo‘rqib, o‘z shaxsiyatimdan voz kechdim. Allohdan uzilib qolgandek his qilyapman. Miyyam va qalbim soxta dunyolar, filmlar, seriallar, musiqalarga qamalib qolgan. Hamma narsani birdan tashlashga urindim, bu hissiy qiynoqqa o‘xshadi. Qalbimni Allohga qaytarishim kerak, va onam uchun bu qayg‘uni yengib, uning yonida ijobiy ta’sir ko‘rsatishni jud-juda xohlayman. Dahshatga tushyapman. Kimligimni bilmay qoldim. O‘z ehtiyojlarimga beparvo bo‘lib, o‘zimni butunlay yo‘qotdim. Qanday shifo topishni bilgim kelyapti. Alhamdulillah, oxirgi bir oyda Qur’on va zikrda davomli bo‘ldim, lekin bu ruhiy tushkunlik meni ezib qo‘yadi. Shunchaki so‘rayapman: yaxshilanadi, to‘g‘rimi? Hozir kimdir menga shuni aytishiga juda muhtojman. Hissiyotlarimni ifoda etishga usta emasman, shuning uchun gapim tushunarli bo‘ldi degan umiddaman.