Tashvish va g‘amdan xalos bo‘lishga yordam beradigan duolar

🌼 *Tashvish va g‘amdan xalos bo‘lishga yordam beradigan duolar* 🌼 Hammamiz vaqti-vaqti bilan qiyin damlarni boshdan kechiramiz. O‘zingizni yomon his qilganingizda o‘qishingiz mumkin bo‘lgan sahih duolarni keltirdik. 1️⃣ Payg‘ambar ﷺ shunday dedilar: "Kimga tashvish va g‘am yetsa va u: 'Allahummа inni abduka ibnu abdika ibnu amatika, nasiyati biyadika, modin fiyya hukmuka, adlun fiyya qado’uka. As’aluka bi kulli ismin huva laka sammayta bihi nafsaka av anzaltahu fiy kitabika av allamtahu ahaddan min xalqika avista'sarta bihi fiy ilmil-g‘oybi indaka, an taj’alal-Qur’ana rabi’a qalbiy va nura sadriy va jala’a huzniy va zihaba hammiy (Yo Alloh, men Sening quling, qulingning o‘g‘li, cho‘rishingning o‘g‘liman. Peshonam Sening qo‘lingda, Sening hukming mening ustimda doim o‘tadi, Sening qazong menga nisbatan adolatli. Sendan Sening o‘zingni nomlagan yoki Kitobingda nozil qilgan yoki yaratganlaringdan birortasiga o‘rgatgan yoki O‘z huzuringdagi g‘ayb ilmi ichida yashirgan barcha ismlaring bilan so‘raymanki, Qur’onni qalbimning bahori, ko‘kragimning nuri, g‘amimning ketishi va tashvishimning zail bo‘lishi qil'), deb aytsa, albatta Alloh uning tashvish va g‘amini ketkazib, o‘rniga shodlik beradi." Undan: "Yo Rasululloh, buni o‘rganamizmi?" deb so‘raldi. U: "Albatta, uni eshitgan har bir kishi o‘rgansin", dedi. (Ahmad, al-Alboniy sahih degan) 2️⃣ Payg‘ambar ﷺ shunday dedilar: "Bir musulmonga musibat yetsa va u Alloh amr qilgan: 'Inna lillahi va inna ilayhi roji’un. Allohumma ajurniy fiy musibatiy va ahlif liy xoyron minha (Biz Allohning mulkmiz va albatta Unga qaytamiz. Yo Alloh, mening musibatimda menga ajr ber va uning o‘rniga menga undan yaxshiroq narsa ber)' degan so‘zni aytsa, albatta Alloh unga undan yaxshiroq narsa bilan mukofot beradi." (Muslim) 3️⃣ Ibn Abbos roziyallohu anhumo aytdilar: Rasululloh ﷺ tashvishga tushganlarida shunday der edilar: "La ilaha illallohul-Azimul-Halim, la ilaha illallohu Rabbul-Arshil-azim, la ilaha illallohu Rabbus-samavati va Rabbul-ardi va Rabbul-Arshil-karim (Buyuk va Halim Allohdan boshqa iloh yo‘q, ulug‘ Arshning Rabbisi Allohdan boshqa iloh yo‘q, osmonlar Rabbisi, yer Rabbisi va karim Arshning Rabbisi Allohdan boshqa iloh yo‘q)." (Buxoriy, Muslim) 4️⃣ Payg‘ambar ﷺ shunday dedilar: "Sizlarga bir narsani aytaymi, agar sizlardan birortangizga dunyoviy musibat yoki ofat yetsa va u mana bu so‘zlarni aytsa, undan xalos bo‘ladi. (Bu) Zun-Nunning duosi: 'La ilaha illa anta subhanaka inniy kuntu minaz-zalimiyn (Sendan boshqa ibodatga loyiq iloh yo‘q, Sen poksan, albatta men zolimlardan bo‘ldim).'" Boshqa rivoyatda: "Hech bir musulmon kishi biror narsa haqida bu duoni qilmas, faqat Alloh uning duosini ijobat qiladi," dedi. (Termiziy, al-Alboniy sahih degan) 5️⃣ Payg‘ambar ﷺ shunday dedilar: "Tashvishdagi odamning duosi: 'Allohumma rohmataka arjuv fala takilniy ila nafsiy tarfata aynin va aslih liy sha’niy kullahu la ilaha illa anta (Yo Alloh, Sening rahmatingdan umid qilaman, meni bir ko‘z ochib yumgunchalik ham o‘z holimga tashlab qo‘yma va barcha ishlarimni tuzat. Sendan boshqa iloh yo‘qdir).'" (Abu Dovud, al-Alboniy hasan degan) 6️⃣ Agar Payg‘ambar alayhissalomga biror ish og‘irlik qilsa: "Yo Hayyu yo Qoyyum, birohmatika astag‘iys (Ey Tirik, Ey Qoyyum, Sening rahmating bilan yordam so‘rayman)", der edilar. (Termiziy, al-Alboniy hasan degan) 7️⃣ Payg‘ambar ﷺ Asmo bint Umaysga shunday dedilar: "Senga tashvish va qiyinchilik paytida aytadigan so‘zlarni o‘rgataymi? 'Allohu Allohu Rabbiy, la ushriku bihi shay’a (Alloh mening Rabbim, Men Unga hech narsani sherik qilmayman).'" (Abu Dovud, al-Alboniy sahih degan) 8️⃣ Payg‘ambar ﷺ shunday dedilar: "Allohumma la sahla illa ma ja’altahu sahla, va anta taj’alul-hazna sahla iza shi’ta (Yo Alloh, Sen oson qilgan narsadan boshqa narsa oson emas, va Sen xohlasang qiyinchilikni oson qilursan)." (Ibn Hibbon, al-Alboniy sahih degan) Alloh bilguvchiroqdir. Meni va oilamni duolaringizda eslab qo‘ying.