Kemenag Ngayakeun Nikah Massal Nyaosan 1 Muharam 1448 H, Aya Piwuruk Penting pikeun Generasi Ngora
Kamentrian Agama ngaliwatan Ditjen Bimbingan Masyarakat Islam rék ngayakeun Nikah Fest jeung Islamic Wedding Expo 2026 di Smesco Exhibition Hall, Jakarta, dina 27–28 Juni 2026. Kagiatan ieu mangrupa bagian tina rarangkén nyambut Taun Anyar Islam 1 Muharam 1448 H jeung mawa konsép One Stop Nikah Solution.
Ieu acara ngahadirkeun sesi ta’aruf, bimbingan perkawinan, expo kawinan, nepi ka nikah massal. Pandaptaran nikah massal dibuka nepi ka 23 Juni 2026 ngaliwatan KUA domisili di DKI Jakarta. Pamilon nu kapilih baris jadi répréséntatif dina pucuk acara jeung meunang bantuan modal usaha sarta jadi bagéan tina Gerakan Sadar Pencatatan Nikah.
Dirjen Bimas Islam, Abu Rokhmad, nétélakeun yén Nikah Fest téh ikhtiar ngahadirkeun layanan kaagamaan nu rélevan. “Nu leuwih penting nyaéta ngawangun kulawarga nu kukuh, silih kiatkeun, jeung bisa jadi dasar lahirna generasi nu berkualitas,” cékna. Édukasi jeung pendampingan pikeun calon pangantén terus dilegaan supaya pasangan boga bekel saméméh asup kana kahirupan rumah tangga.
Kapala Biro Humas jeung Komunikasi Publik Kemenag, Thobib Al Asyhar, nambahan yén katahanan kulawarga kudu jadi perhatian babarengan. Sakabéh program Peaceful Muharam 1448 H, kaasup Nikah Fest, diarahkeun pikeun ngalegaan mangpaat sosial jeung nguatkeun peran agama dina kahirupan masarakat.
https://mozaik.inilah.com/news