ذوالحجہ دے پہلے دس دن عام دن نہیں نیں۔ ایہہ اوہ دن نیں جیہڑے اللہ نے خود چُنے نیں۔ نماز پڑھو بھاویں دل بے حس محسوس کرے۔ دعا منگو بھاویں اپنے آپ نوں نالائق سمجھو۔ توبہ کرو بھاویں اوہناں گناہاں ول مڑ واپس جاؤ۔ اللہ اگے روو بھاویں آواز کَنبے۔ اوہدے کولوں سب کجھ منگو، بھاویں ناممکن ہی کیوں نہ ہووے۔

السلام علیکم، پیارے بھراواں تے بھیناں۔ میں بس تہانوں تے اپنے آپ نوں یاد کروانا چاہندی آں کہ ذوالحجہ دے ایہہ پہلے دس دن کِسے ہور دناں وانگوں نہیں نیں۔ اللہ نے آپ ایہناں نوں چُنیا، برکت دِتی، تے سال دے باقی سارے ویلیاں نالوں ودھ کے ایہناں نال محبت کیتی۔ کِنے لوک ایہناں دس دناں وچ ایس حالت وچ آئے کہ گناہواں ہیٹھ دبے ہوئے سن تے اوہناں نوں لگدا سی کدی معاف نہیں ہون گے، تے اوہ پوری طرحاں بدل کے نکل گئے۔ کئی ٹُٹے ہوئے آئے تے پورے ہو کے چلے گئے۔ کئی زمین تے گُم نام سن تے فرشتےآں وچ اپنا نام مشہور کرا گئے۔ مہربانی کر کے، ایہناں دناں نوں عام ہفتیاں وانگوں نہ لنگھن دِو۔ نماز پڑھو، بھاویں اندروں خالی محسوس کر رہے ہوو۔ دعا کرو، بھاویں سوچدے ہوو کہ تسیں حقدار نہیں ہو۔ توبہ کرو، بھاویں اوہناں گناہواں ول واپس ڈِگدے رہو۔ اللہ اگے روندے رہو، بھاویں تہاڈی آواز کَنبے۔ اوہدے کولوں سب منگو-اوہ وی جیہڑا ادھورا لگے، لُکیا ہویا، تکلیف دیہ، تے اوہ دَرد جیہڑے تسیں اندر دبا کے رکھے نیں۔ ایہہ اوہ دن نیں جدوں قسمت پلٹ سکدی اے۔ کدی شک نہ کرو کہ اللہ دس دناں وچ کیہہ بدل سکدا اے۔ اک سچی دِلوں کیتی دعا تہاڈا پورا رستہ ہمیشہ لئی بدل سکدی اے۔ اللہ دے ڈر تے محبت وچ رڑیا اک ہنجُو گناہواں دے پہاڑ دھو سکدا اے۔ اوہدے ول مڑن دا اک پَل اوہ چابی بن سکدا اے جیہڑا اللہ اوہناں بند دروازےآں نوں کھولن لئی ورتدے نیں جیہڑے تسیں بند سمجھدے سی۔ دل توں کیتی اک سجدہ تہاڈی پوری کہانی نویں لکھ سکدی اے۔ رات دے پچھلے پہر چُپ چپیتے منگی اک دعا اوہ بوہے پٹّ سکدی اے جیہناں توں تسیں اُمید چھڈ چُکے سی۔ تے آؤ ایہہ برکت والے دس دن مضبوطی نال پھڑ لئیے: – اضافی رکعتاں پڑھو – قرآن پڑھو – روزہ رکھو، جے کر سکدے ہو – صدقہ دیو – زبان ذِکر نال تَر رکھو – اللہ اگے جنت لئی گڑگڑاؤ – شفا لئی منگو – محبت لئی منگو – ہدایت لئی منگو – اوہ زندگی منگو جیہڑی تہاڈا دل گوڑھائی نال چاہندا اے تے کدی سوچو نہیں کہ تہاڈی دعا اللہ لئی بہت چھوٹی اے۔ ایہہ دنیا ختم ہون والی اے۔ پر ایہہ دس دن؟ ایہہ موقع نیں جنہوں کِنے لوکاں دی تمنا اے کہ کاش اک ہور واری مل جان۔ ایہناں نوں ضائع نہ کرو۔ اللہ سانوں ذوالحجہ دے دس دن سچے دلاں نال گزارن دی توفیق دے، ہر دعا جیہڑی اسیں چُکدے آں قبول کرے، ہر گناہ جیہڑا اسیں لُکاندے آں معاف کرے، سارے زخم جیہڑے اسیں چُکدے آں ٹھیک کرے، تے ساڈے ناں جنت الفردوس والےآں وچ لکھے۔ آمین۔