مَیں اللہ وَلّ واپس کِویں عام تے مُستقل طریقیں نال آ سَکدی آں؟

السلام علیکم۔ تَے مَیں تاں مُسلمان گھرانے چ جَمّی پَلی پَر اِسلام بارے بہتا کُجھ سِکھّیا نئیں۔ میرا تعلّق عربی پسِ منظر نال اے پَر بدیسی رہائش نے انگریزی نُوں میری مُکھّ بولی بَنا دِتّا۔ مَیں ہُن 19 سال دِی آں تے ہُجے وی عربی نال جَدو جہد چ آں،خاص کَر قُرآنی عربی نال۔ مَیں پہلاں پنَجے نِمازاں پانجے پَڑھدِی ہوندی سِی،پَر فیر اِک دِن مَیں بَس چھَڈ دِتّیاں۔ مَینُوں لَگدا اے اِس لَئی کِیونکہ مَیں تھوڑھے چِر لَئی آپنے دِین توں ایقان کھو بَیٹھی سِی۔ مَیں کَدے آپنُوں بے دِین نَہ آکھاں گِی ناں کوئی ہور مذہب مَننّاں گِی -اِسلام مَینُوں سچ لَگدا اے،اِہہو میری عقِیدت اے۔ پَر مَیں بڑی بے چینی تے بہتا سوچن نال جَدو جہد کَردی رہندی آں،جِدی وجہ نال میرا دِماغ دُھندلا جاندا اے۔ کِدّے ویلے مَیں شَک کرن لگ پئی سِی کِہ سَبھ کُجھ واقعی سچ اے کِیوں جے میرے کول پُختہ سُبُوت نئیں سِی،تے اُوس ویلے ای مَیں نِماز پَڑھنی چھَڈ دِتّی۔ مَیں اِسلام بارے ہور سِکھن دِیاں کِنّیاں کوشِشاں کِیتیاں،پَر کَدے کامیاب نَہ ہوئی۔ قُران انگریزی چ پَڑھنا وی تھوڑھا سَمَج۔ جَدوں مَیں چِیزاں لَبھدی آں،اُونجے بہت سارِیاں بحثاں تے غَلط فہمِیاں نُوں ویکھ کے مَیں ڈَر جانّی آں کِہ کِتے کُجھ غلط نَہ کَر بَیٹھاں۔ تے ظاہر اے،آخرت تے قیامت دے دِن دا بہت وَڈّا ڈَر وی اے ۔ اِنھاں واقعیاں بارے سِکھن نال میری دماغی صحت وِگڑ گئی۔ مَیں اک لگاتار گھبراہٹ چ پھس گئی،اﷲ دِی عِبادت صِرف ڈَر نال کَردی رہی -تے سچّی گَل اے،اِہہ لِکھدِیاں وی مَیں اونج ای محسُوس کَردی پئی آں۔ ساڈے مُلک چ ہُجے بُھونچال آیا سِی،تے اِیہہ جاگن دِی گھنٹی وارگا لَگّا۔ اُوس توں بعد مَیں فجر پَڑھی۔ کَدے مَیں دُو یا تِن نِمازاں کر لیندی آں،پَر پانجے نال جُڑے رہنا حالے وی کٹھن اے۔ جے کِسے کول ایس بارے صلاح ہووے کِہ اِناں خیالاں توں میرے رُوح نُوں سکُون کِویں مِلے یا فیر باقاعدگی نال نِماز پَڑھن لئی مَیں کِیہ کَراں،تاں مَیں سچِیں شُکر گُزار ہوواں گی۔ مَیں اِس دِین دا حِصّہ بَننا چاہندی آں کِیوں جے مَیں اِس نال مُحبت کَردی آں تے 1000 فی صدی اِس تے ایقان رَکھدی آں،نہ رَپھ صِرف آخِرت توں ڈَر دے مارِیاں۔