Зулхижжа айының алғашқы он күні – қарапайым күндер емес. Бұл – Алланың Өзі таңдаған күндер. Жүрегің сезімсізденіп тұрса да, намаз оқы. Өзіңді лайықсыз сезінсең де, дұға қыл. Сол күнәларға қайта-қайта оралсаң да, тәубе ет. Даусың дірілдесе де, Аллаға жылап жалбарын. Одан бәрін сұра, тіпті мүмкін емес нәрселерді де.
Ассаламу алейкум, құрметті бауырлар. Мен өзіме де, сіздерге де еске салғым келеді – Зулхижжа айының алғашқы он күні басқа күндерге ұқсамайды. Алла Тағала бұл күндерді Өзі таңдап, берекелеп, жылдың басқа уақыттарынан артық көріп, сүйеді. Қаншама адамдар бұл он күнге, кешірілмейтіндей көрінген күнәлардың астында қалып, кіріп, мүлдем өзгеріп шықты. Кейбірі быт-шыт болып кіріп, бүтін болып шықты. Кейбірі жер бетінде танылмай кіріп, періштелер арасында есімі танылып шықты. Өтінемін, бұл күндерді әдеттегі аптадай өткізіп алмаңыздар. Ішіңіз бос сезілсе де, намаз оқыңыз. Өзіңізді лайықсыз санасаңыз да, дұға қылыңыз. Бір күнәларға қайта түсіп жатсаңыз да, тәубе етіңіз. Даусыңыз дірілдесе де, Алланың алдында жылаңыз. Одан бәрін сұраңыз – мүмкін емес нәрселерді, жасырын жараларды, ауыртпалықтарды, ішке көміп тастаған дүниелерді. Бұл – тағдырлардың түбегейлі өзгеретін күндері. Алланың он күн ішінде не өзгерте алатынына еш күмәнданбаңыз. Бір шынайы дұға өмір жолыңызды мәңгіге бұрып жіберуі мүмкін. Алладан қорқып, Оған деген сүйіспеншілікпен төгілген бір тамшы жас тау-тау күнәларды жуып кетуі мүмкін. Оған қайта бет бұрған бір сәт, Алла бітеу деп ойлаған есіктеріңізді ашуының кілті болуы мүмкін. Шын жүректен жасалған бір сәжде бүкіл тарихыңызды қайта жазуы мүмкін. Түннің бір уағында сыбырлап айтылған бір дұға, үмітіңізді үзген қақпаларды айқара ашуы мүмкін. Сондықтан осы берекелі күндерді мықтап ұстайық: – Қосымша рәкағаттар оқыңыз – Құран оқыңыз – Шамаңыз болса, ораза ұстаңыз – Садақа беріңіз – Тіліңізді зікірмен суландырыңыз – Алладан жәннатты сұраңыз – Шипа сұраңыз – Махаббат сұраңыз – Тура жол сұраңыз – Жүрегіңіз шын қалайтын өмірді сұраңыз Ешқашан дұғаңыз Алла үшін тым кішкентай деп ойламаңыз. Бұл дүние мәңгі емес. Ал мынау он күн – көп адамдардың тағы бір рет болса да көруді армандайтын мүмкіндігі. Оны босқа жіберіп алмаңыз. Алла бізге Зулхижжа айының он күнін шынайы жүрекпен өткізуді нәсіп етсін, әр көтерген дұғамызды қабыл алсын, жасырған күнәларымызды кешірсін, көтерген жараларымыздың бәрін емдесін және есімімізді Жәннат Фирдаустың тұрғындары қатарында жазсын. Әмин.