Tangis Haru Sambut Mulihé 222 Jemaah Haji Kutha Mojokerto saka Tanah Suci
Ana 222 jemaah haji asal Kutha Mojokerto sing gabung ing Kloter 60 wis bali nang tanah air sakwisé nglakoni ibadah haji. Tekané disambut langsung karo Wali Kutha Mojokerto Ika Puspitasari nang Masjid Darul Amanah Balai Kutha Mojokerto, Rebo (17/6).
Wali Kutha sing akrab disapa Ning Ita ngucapaké rasa syukur merga kabèh jemaah bali kanthi séhat lan jangkep. "Awaké déwé kabèh syukur, akiré 200 luwih jemaah haji Kutha Mojokerto isa bali mulih nang Kutha Mojokerto ing kaanan séhat, bali jumlahé utuh, lan insyaallah kabèh dadi haji mabrur. Ditampa kabèh ibadahé lan donga-dongané sing dipanjatké nang kana makbul," ujaré.
Perwakilan jemaah, Irdinata Wijayanto, ngaturaké matur nuwun kanggo dukungan lan pelayanan saka Pamaréntah Kutha Mojokerto uga Kantor Kementerian Haji lan Umrah sak suwéné prosès ibadah haji, wiwit manasik, fasilitas transportasi, nganti pendampingan petugas.
Ning Ita ngarep-arep donga sing dipanjatké jemaah nang Tanah Suci nggawa berkah kanggo Kutha Mojokerto, lan para jemaah isa njaga kemabruran haji sarta dadi teladan nang tengah masyarakat.
https://kabarbaik.co/tangis-ha