Profil Anton Nugroho, Rektor Unhan RI sing Dadi Sorotan ing Tengah Polemik Larangan Jilbab
Letnan Jenderal TNI (Purn.) Dr. Anton Nugroho, M.M.D.S., M.A. lair nang Klaten, Jawa Tengah, pas tanggal 27 September 1966. Perwira tinggi TNI Angkatan Darat lulusan Akademi Militer 1988 iki resmi dadi Rektor Universitas Pertahanan (Unhan) RI mulai 22 Mei 2025.
Karier militèré diwiwiti nang Kopassus karo pengalaman tugas nang Timor Timur, Acèh, nganti perbatasan Atambua. Dhèwèké nempuh pendidikan bergengsi kaya Command and Staff College Australia, Sesko TNI, US Army War College, lan Lemhannas RI. Nang bidang akademik, dhèwèké éntuk gelar dhoktor Manajemen SDM sangka Universitas Negeri Jakarta karo pirang-pirang gelar master sangka Norwich University lan University of Canberra.
Sakdurungé dadi rektor, dhèwèké njabat posisi strategis kaya Komandan Seskoad, Pussenif TNI AD, nganti Tenaga Ahli Pengkaji Madya Lemhannas. Merga pengabdiané, dhèwèké nampa pirang-pirang tanda jasa kaya Bintang Yudha Dharma Nararya lan Bintang Kartika Eka Paksi Nararya.
Sosoké dadi sorotan bar calon kadet wadon milih mundur merga ora gelem nuruti arahan internal kampus sing meksa pelepasan jilbab wektu pendidikan. Pihak Kemhan ngasih klarifikasi nèk pelepasan kuwi sifate tèknis demi keselamatan pas Latihan Dhasar Militer.
https://www.gelora.co/2026/08/