Kemenag Gelar Nikah Massal Mbebarengi 1 Muharam 1448 H, Ana Pesen Penting kanggo Generasi Muda
Kementerian Agama lumantar Ditjen Bimbingan Masyarakat Islam arep ngadakake Nikah Fest lan Islamic Wedding Expo 2026 ing Smesco Exhibition Hall, Jakarta, tanggal 27–28 Juni 2026. Kegiatan iki bagian saka rangkaian nampa Taun Anyar Islam 1 Muharam 1448 H lan ngusung konsep One Stop Nikah Solution.
Acara iki ngadirke sesi ta’aruf, bimbingan perkawinan, wedding expo, nganti nikah massal. Pendaftaran nikah massal dibukak nganti 23 Juni 2026 lumantar KUA domisili ing DKI Jakarta. Peserta sing kepilih bakal dadi representatif ing puncak acara lan oleh bantuan modal usaha sarta dadi bagian saka Gerakan Sadar Pencatatan Nikah.
Dirjen Bimas Islam, Abu Rokhmad, ngendika nek Nikah Fest iku ikhtiar ngadirno layanan keagamaan sing relevan. “Sing luwih penting yaiku mbangun keluarga sing kokoh, saling nguatke, lan mampu dadi pondasi laire generasi sing berkualitas,” ujare. Edukasi lan pendampingan kanggo calon penganten terus diperluas ben pasangan duwe bekal sakdurunge mlebu urip rumah tangga.
Kepala Biro Humas lan Komunikasi Publik Kemenag, Thobib Al Asyhar, nambahake nek ketahanan keluarga kudu dadi perhatian bareng. Kabeh program Peaceful Muharam 1448 H, termasuk Nikah Fest, diarahke kanggo nggedhekake manfaat sosial lan nguatke peran agama ing urip masyarakat.
https://mozaik.inilah.com/news