Alhamdulillah, Proses Armuzna Lancar! Suhu 41 Derajat, Jemaah Diimbau Ngurangi Aktivitas nang Njaba Tenda

Kementerian Haji lan Umrah (Kemenhaj) RI mestekna gerakan jemaah haji Indonesia pas puncak ibadah haji (Armuzna) mlaku lancar, tertib, lan terkendali. Juru Bicara Kemenhaj Maria Assegaff nyampekna nek kabeh jemaah wis diberangkatna sekang Arafah nang Muzdalifah lan teka nang Mina sesuai rencana. Proses gerakan terakhir sekang Arafah nang Muzdalifah rampung jam 02.40 WAS, lan sekang Muzdalifah nang Mina rampung jam 07.00 WAS. Keberhasilan iki hasile sinergi petugas, otoritas Arab Saudi, lan kedisiplinan jemaah. Saiki, fokus pelayanan diarahna nang pendampingan jemaah nang Mina, termasuk lontar jumrah. Ana 751 petugas disiapna nang tenda lan pos layanan, uga nang Masjidil Haram, kanggo ngasih bantuan cepet lan terkoordinasi. Kemenhaj ngelingna jemaah supaya manut jadwal lontar jumrah lan ngindari aktivitas nang njaba tenda pas jam 10.00–14.00 WAS amarga suhu nganti 41 derajat Celcius. Jemaah dikon nganggo jalur resmi nuju Jamarat, njaga kesehatan kanthi ngombe cukup, mangan teratur, sarta ngelindungi awake sekang panas. Perhatian khusus diwenehna nang jemaah lansia, disabilitas, lan risiko tinggi. Njelang Iduladha 1447 H, Kemenhaj ngucapna selamat lan ndunga jemaah dikei kesehatan sarta bali nang Tanah Air dadi haji mabrur. https://kabarbaik.co/alhamdulillah-armuzna-lancar-suhu-41-derajat-imbau-jemaah-kurangi-aktivitas-di-luar-tenda/