Gülən müsəlmanlara mesaj: Dinlə lağ etmək gülməli deyil

Subhanallah, bəzi müsəlmanların dinlərini lağa qoymasını və ya qeyri-müsəlmanları razı salmaq üçün öz əqidələrini satmasını görəndə, Allahın Tövbə surəsindəki bu sözlərini xatırlayıram: "Əgər onlardan soruşsan, deyərlər: “Biz sadəcə boşboğazlıq edib oynayırdıq”. De: “Allaha, Onun ayələrinə və peyğəmbərinə istehza edirdiniz? (65) Heç cür üzr istəməyin; siz imandan sonra küfr etdiniz”". Yəni məsələ heç də sadə deyil, Allahla, ayələriylə ya da peyğəmbəriylə (s.ə.s.) istehza etmək insanı dindən çıxara bilər, Allah qorusun! Həmçinin Bəqərə surəsində Rəbbimiz bizi xəbərdar edir: "Yəhudilər də, nasranilər də sən onların millətinə tabe olmayana qədər səndən razı qalmayacaqlar. De: “Doğru yol ancaq Allahın hidayətidir”. Əgər sənə gələn elmdən sonra onların istəklərinə uysan, Allahdan sənə heç bir dost və yardımçı gəlməz". Yəni əgər kimsə onların razılığını qazanmaq üçün dinini qurban verirsə, Allahın dostluğunu və yardımını itirər. Açığı, bu ayələri oxuyan insan özünə hesab verməlidir: Mən doğrudan da dinimə sadiqəmmi, yoxsa sadəcə axınla gedirəm? Allahdan bizə haqqda sabitqədəmlik verməsini, səhvlərimizi bağışlamasını diləyirəm.