Bəqərə surəsinin son ayələri haqqında gözəl bir hədis
Əbu Məsud (Allah ondan razı olsun) rəvayət edir ki, Peyğəmbər (sallallahu aleyhi və səlləm) belə buyurdu: "Kim gecə Bəqərə surəsinin son iki ayəsini oxusa, bu ona kifayət edər". Bəzi alimlər bunun o mənaya gəldiyini deyirlər ki, bu ayələr gecə namazının yerinə keçir və beləliklə insan həmin savabı qazanır. Digərləri isə deyir ki, bu ayələr insanı şeytandan və hər cür şərdən Allahın izni ilə qoruyur. Bəziləri də bunun zərər və çətin vəziyyətlərdən qorunma mənasını verdiyini düşünür. Bəlkə də hədis bütün bu nemətləri bir anda əhatə edir. Allahu əlim.
Qardaş, Allahın rəhməti inanılmazdır. Yatmazdan əvvəl iki ayə oxusan, bütün o qorunma və mükafatı əldə edirsən. Həqiqətən də üzrümüz yoxdur.